Ko e Pepa Patiseti 1, ‘oku fakamatala’i ai ‘a e ngaahi fakalakalaka mo e anga ‘o e fakafuofua faka’ekonomika ki he kaha’u vave mai ki Tonga. Lolotonga ‘a e ta’u fakapa’anga 2009/10, na’e a’usia ai ‘e he fonua, ’a e uhouhonga ‘o e faingata’a’ia faka’ekonomika fakamamani lahi, ‘a ia na’e kamata mei Sepitema 2008. Na’e fakafuofua foki ‘e he Potungaue Pa’anga mo e Palani Fakafonua, ‘e ‘i ai ‘a e tupu faka’ekonomika fe’unga mo e peseti ‘e 0.4 ki he ta’u fakapa’anga 2008/09, ka ‘i hono fakama’opo’opo, na’e holo peseti ‘e 0.4 ‘i he faka’osinga ‘o e ta’u. Na’e lahi ange foki ‘a e holo ‘i he talafi pa’anga mei muli mei he tu’unga na’e fakafuofua ‘e ‘i ai, ‘o tupu ai ‘a e holo ‘i he tu’unga ‘o e pa’anga humai ‘o ne kasia ai ‘a e tupu faka’ekonomika.
Category
Budget Statement
